أسئلة في عمان- تعليم
Walid Al-diab
Walid Al-diab قبل 8 أعوام
استفسار عن دراسة الماجستير في الاردن
السلام عليكم ورحمة الله شباب بدي منكم مساعدة: انا شب سوري مقيم في الكويت معي بكالريوس ادب انكليزي من جامعه البعث بحمص/سوريا حابب ادرس ماجستير في الاردن ياريت حد يساعدني ويقلي وين فيني قدم / شو هن الجامعات المعترف فيهن وشو التكاليف / وكام سنة رح تكون الدراسه وشو الاوراق المطلوبة شكراً

أجابات الجيران

Maram Nabulsi
Maram Nabulsi قبل 8 أعوام
أنا بعرف أنو لازم يكون تقديرك بالبكالوريس (جيد) على الأقل
Marwa Majed
Marwa Majed قبل 8 أعوام
مرحبا مافي جامعات كتيير بالاردن فيها ماجستير في الجامعه الاردنيه هي الي فيها كل التخصصات وفي جامعه البترا وجامعه جرش وسمعت انو جامعه عمان الاهليه انا بنصحك بجامعات الاهليه اسهل واريح من الجامعه الاردنيه لان بالنهايه كلها نفس المستوى تقريبا اقصد المستوا الاكاديمي التكاليف من 150 الى 300 دينار حسب الجامعه للساعه الوحده عدد الساعات 36 تقريبا مع الرساله الاوراق المطلوب شهاده البكالوريوس مصدقه وصوره عن جوازك والاقامه واكيد بدهم شهاده التوفل او الامتحان الوطني رن عليهم وهم بيعطوك التفاصيل او زور مواقعهم الالكترونيه بيكونو كاتبين التفاصيل
Walid Al-diab
Walid Al-diab قبل 8 أعوام
يعطيكي العافية اخت مروة سؤال بس : 36 ساعه مقسمة على سنة وحدة ولا كامل الماجستير وشكرا الك
Laith Ibrahim
Laith Ibrahim قبل 8 أعوام
أهلا ً و سهلا ً فيك أخي .. من المتطلبات الرئيسية أنه يكون معك شهادة التوفل بتقدير فوق 450 أتوقع ,, و أنه يكون تقديرك جيد في البكالوريوس .. و الأهم تكون الجامعة اللي تخرجت منها معترف بها في وزارة التعليم العالي .. و كل التوفيق ان شاء الله ..
Maram Nabulsi
Maram Nabulsi قبل 8 أعوام
معقول مافي ماجستير بالأردن غير بالجامعات الي حكيتي عنا مروة؟
Walid Al-diab
Walid Al-diab قبل 8 أعوام
شكراً لكم اصدقائي وانشالله رح شوف لو فيني قدم او استفسر منهم انا معدلي جيد وبقدر اخد التوفل خلال شهرين او ثلاثة وانشالله ربنا ايسر وبنقدر نجي الاردن نكمل
Hana Al Khatib
Hana Al Khatib قبل 8 أعوام
fee el NYIT o fee MEU
فراس قاسم
فراس قاسم قبل 8 أعوام
الافضل انك تدخل على موقع وزارة التعليم العالي وبالموقع رح تلاقي كل التفاصيل يللي بدك ياها http://jo.jeeran.com/p/ministry-of-higher-education-and-scientific-research-amman/
فؤاد الحداد
فؤاد الحداد قبل 7 أعوام
انافؤاد الحدادمن اليمن حاصل على بكالوريوس تاريخ بتقدير ممتاز وارغب في دراسة الماجستير فماهو المطلوب والتكاليف