أسئلة في عمان- مطاعم
دعاء أحمد
دعاء أحمد قبل 6 أعوام
اغلاق مطعم هاشم بالبلد!!
الخبر: اقدمت امانة عمان الكبرى على اغلاق مطعم هاشم الكائن بوسط البلد وتوقيفه عن العمل ، وتشميعه بالشمع الاحمر حتى يتم تصويب اوضاعه . ونوه المكتب الاعلامي في امانة عمان الكبرى انه واثناء زيارة كوادر الامانة الى مطعم هاشم تبين وجود مخالفات بالاشتراطات الصحية ، والسلامة العامة ، داخل المشغل المخصص لإعداد الطعام في المطعم. ولفت المكتب الاعلامي ان دائرة الرقابة الصحية في الامانة ، تقوم في جولات يومية في العديد من المطاعم ومحلات بيع العصير وقررت الدائرة اغلاق المطعم بالشمع الاحمر وايقافه عن العمل حتى يتم تصويب اوضاعه. المصدر: خبرني - عيون البلد نيوز __________________________________________________________________ فكركم شو المخالفات؟ ورح تتصوب عنجد؟ مين المطاعم الي جاي الدور عليها؟

أجابات الجيران

Mohanad Azab
Mohanad Azab قبل 6 أعوام
والله انا من محبي مطعم هاشم, وبعترف انه لا يهتم بمستوى النظافة ابدا لكن لدرجة تسكيره بالشمع الاحمر؟؟؟؟! انا اتوقع المخالفات اجت على المستودعات واماكن التخزين ويمكن مستوى نظافة العمال..
Halah Adawi
Halah Adawi قبل 6 أعوام
بيستاهل دعااء ..لأنو مستهين بأرواح الناس ومهتم بالربح المادي ..ولا محل زي هيك وعلى شهرة عالية ولسسسسسسسه ما عنده شروط السلامة العامة والله مصيبة كبيرة !!!وانا بتمنى بهالرمضان حملات التفتيش تزيييد لأنو فعلا احنا بشر وممكن نتضرر من هاد الكلام .... برأأيي الشخصي لازم محل هاشم يخصص كادر مو قليل للنظافة فقط ويحاول يتوسع عشان يعرف يشتغل كونه سياحي اكتر من مهو محلي
فراس قاسم
فراس قاسم قبل 6 أعوام
هاد المطعم بالرغم من شعبيته المعروفة والكاسحة واكلو الطيب اكيد ومذاقه المميز الا انو كل الزوار الو بلاحظة عدم نضافة المطعم بتاتا في كل مكان فيه وهاد براي احد اهم الاسباب في اغلاقه ونقطة تانية انو مابحافظ على نضافة بضاعته او ماكولاته ولا بهتم بالتخزين السليم الهم بتمنى انو المطعم يرجع يفتح بس مع تصحيح اوضاعه
منى سحر
منى سحر قبل 6 أعوام
انا من محبي التناول بمطعم هاشم وهو مطعم معروووف ومشهور..ولكن مثل ما حكى الجميع المستوى النظافة سيء جدا واتوقع انه هذا سبب اغلاقه
waleed barham
waleed barham قبل 6 أعوام
اها عيب مطعم هااشم ما في نظافة بس سمعت انو رجع فتح والنااس غير مهتمة بشمع ولا شي واغلبية المطااعم بس اسم شهرة وبكوون كلو مخالفاات وكلو بمشي بالرشوة
فراس قاسم
فراس قاسم قبل 6 أعوام
انا طبيعة شغلي بتحكم عليا امر من قدام المطعم وبصراحة انا بشوفو فاتح ولا شفت شمعة حمراء ولا حتى سودة؟ مابعرف ازا رجع فتح او سكرا من اساس بس بجوز كلو يكون مجرد فقعات صحفية لتوسيع رقعة الاهتمام بهاد المطعم على كلن المطعم فعلا بحاجة لاعادة تنظيم اوراقه لحتى مايصير فيه هيك اشكالية مرة تانية
Mohammad Magid
Mohammad Magid قبل 6 أعوام
انا من الناس اللي كتير بحب هاد المطعم وبروحو مع اهلي دايما وخلال رمضان هاد صرت رايحو مرتين بخصوص موضوع النظافة ما بقدر اقول انو نظافتو ما عليها كلام لكن هادا ابدا مو معنا انو مو نظيف انا بيهمني الاكل لانو الباقي مو مهم بعدين لاحظة انو عاملين مكان فةق عالدرج جديد وقدة ممتاز ونظافة عالية جدا
Sameer Matar
Sameer Matar قبل 6 أعوام
بالمناسبه اللي تسكر هوه المشغل تبع المطعم ! بس هله اذا بتروحي بتلاقي المطعم فاتح طبيبعي ججدا مع ان المشغل مسكر بالشمع الاحمر .. السؤال اللطيف هله اذا المشغل مسكر وين عم بيسوا الاكل ؟ اكيد في مكان اسوء .. معلومه تانيه الكافيهات والمطاعم حوالين هاشم بيجيبوا الحمص منو لزباينهم ..
Mohanad Mater
Mohanad Mater قبل 6 أعوام
مطعم معفن ، وشهرة على الفاضي .... زمان كان منيح بالثمانينات وقبلها ، هلا حكي فاضي ، وتسممنا كزا مرة من وراه انا وصديق الي ، الناس المحترمين اللي بيمدحوا فيه .. يااخي جرب اقعد جوه مش عند الكاش وشوف ، ومش عارف اصلا شو المميز بأكلو !!!!!!! فول عادي عند اي حدا ازكى منو بمليون مرة ، ازا كان هيك نضافتو من بره يا حبيبي شو بيصيير جوه .